اسلام آباد۔25نومبر (اے پی پی): حزانگ ءِ بنجاہی وزیر سینیٹر محمد اسحاق ڈارءَ گشتگ کہ پاکستان ءُ چین براتیں سیادی ءَ گوں بندوک اَنت۔ آئی ءَ اے گپ جمعہ ءِ روچءَ عوامی جمہوریہ چین ءِ سفیر رونگ نونگ ءَگوں گندءُنندءِتہا گشتگ۔ مزن وزیرءِ حزانگءِ صلہ کار طارق باجوہ، حزانگءِ سیکرٹری ء ُ فنانس ڈویژن ءِ ایندگہ سینئر افسر ہم گندء ُنندءَ ساڑی بوتگ اَنت۔ حزانگءِ وزیر ء ُ چینی سفیر ءَ دوئیں ملک آنی نیامءَ اقتصادی ء ُ مالیاتی پڑآں دونیمگی سیادی ءَ ر اگیش کنگ ءِ سرءَ ھیال ءُ لیکہ ءِ درشانی کتگ۔ حزانگءِ وزیرءَ چین ءِ سفیر ءَ را وش اَتک کتگءُ پاکستان ء ُچین ءِ نیام ءَ براتیں سیادی ءِ گپ کتگ، آئی ءَ اے گپ ءِ سرءَ چمشانک داتگ کہ دوئیں ملک آنی نیامءَ بازیں اقتصادی پڑآں راج دپتری ءُ محکمیں دونیمگی سیادی اَست۔ چین ءِ سفیر ءَ مشکل ءِ وہد ءَ چینی حکومت ءِ نیمگء َ چہ پاکستان ءِ گوما ہمراہ داری کنگءُ کمکء اوست داتگ ءُ گشتگ کہ چین اے گرانیں ساہت ءَ پاکستانی اُلسءِ گوما ہم کوپگ اِنت۔ آئیءَ پاکستان ءِ تہا چینی منصوبہ آنی تہا آسراتی سرکنگءَ حکومت پاکستان ءِ شکرءُمنت گپتگ۔ حزانگءِ وزیر ءَ بازیں کمک ء ُ ہمراہ داری کنگءَ چینی سفیر ءِ شکرء ُمنت گپتگ۔
