استنبول۔25نومبر  (اے پی پی): مزن وزیر  محمد  شہباز شریف  دو روچی سرکاری تر ءُ تاب ءِ  ھاترا  آدینگ ءِ روچ ءَ ترکیہ   ءَ پج  اتگ،  استنبول انٹر نیشنل   ائیر پورٹ  ءَ   استنبول  ءِ نزائب  گورنر  محمود  حرسانلی  اولو،  مزن تکی ترک  سول ءُ   اردی کارندہ،  پاکستانی سفارتخانہ ءِ اپسرگ آں  مزن وزیر ءَ را  وش اتک  کت۔  مزن وزیر ترک صدر رجب  طیب  ایردوان ءِ  داتگیں دعوت ءِ پد ءَ   تر ءُ تاب ءَ انت،  مزن  تکی  ڈل  ھم  مزن وزیر ءِ ھمبراہ  اتنت۔   تر ءُ تاب ءِ ساھت ءَ   مزن وزیر محمد شہباز شریف   ءُ صدر ایرادوان استنبول  شپ  یارڈ  ءَ پاک بحریہ ءِ    واستہ  چار ملجم کارویٹ  جہاز  آنی تہ ءَ سیمی جہاز  پی این  ایس خیبر  ءِ  بنگیج ءَ کنت۔ دوئیں  ملک آنی  نیامءَ  یکجائی کمک آنی رد ءَ ملجم  منصوبگ  پاکستان-  ترکی اسٹریٹیجک پارٹنر شپ  ءَ  یک  ارزشتی ایں   بن ھشت ءِ بستار ءَ دار   ائیت۔   ایشی ءَ چہ  پیسر پاک بحریہ ءِ  واستہ   اولی کارویٹ    ’پی این ایس  بابر ‘ ءِ  لانچنگ  مراگش  اگست  2021  ءَ استنبول  ءَ برجم بوت  وھدیکہ  دومی  جہاز   ’پی این ایس  بدر‘ ءِ  جوڑیشت  ءِ  بنیات ءَ مئی  2022 ءَ  کراچی ءَ  ایر کنگ بوتگ۔  ایشی ءَ  چہ  پد  دوئیں سروک  دو نیمگی   یکوئی، دمگی جاور ھال ءُ  یکجائی  واھگی کار آنی  بابت ءَ ھیال ریچی  کن انت۔    ءُ یکجائی پریس کانفرنس ءَ گوں گشتانک  دینت۔  مزن وزیر  ترکیہ  ءِ  تاجر  برات آنی ڈل ءُ ای سی  او ٹریڈ  اینڈ  ڈویلپمنٹ   بینک (ای ٹی ڈی بی)  ءِ صدر ءَ گوں گند ءُ نند  ھم  کنت۔