اسلام آباد۔25نومبر (اے پی پی): مزن وزیر شہباز شریف ءَ گوشت کہ صدر رجب طیب اردودان ءِ سروکی ءَ پاکستان ءُ ترکیہ ءِ یکوئی مھکمیں دیمروئی شریکداری ءِ نوکیں دور ءُ باریگ ءِ نوکیں تہ ءَ داخل بوتگ انت۔ آدینگ ءِ روچ ءَ ترکیہ ءِ تر ءُ تاب ءَ روانگی ءِ موہ ءَ وتی ٹویٹ ءَ مزن وزیر ءَ گوشت کہ آ ترک صدر رجب طیب اردوان ءِ دعوت ءِ پد ءَ ترکیہ ءِ دو روچی تر ءُ تاب ءَ روانگ بوھگ ءَ انت۔ مزن وزیر ءَ گوشت کہ پاک بحریہ ءِ واستہ سیمی ملجم کارویٹ جہاز ءِ بنگیج دوئیں براتیں ملک آنی نیام ءَ جھلانکیں دیمپانی یکوئی ءِ درشان انت۔ مزن وزیر ءَ گوشت کہ دوئیں ملک آنی نیام ءَ مزن تکی روگ ءُ آیگ مئے شریکداری ءِ آدینک ءَ سہرا کن انت۔ آئی ء گوشت کہ ترکیہ منی واستہ منی گس انت۔ مزن وزیر ءَ گوشت کہ صدر اردوان ءِ سروکی ءَ ترکیہ ءِ گوما پاکستان ءِ یکوئی مھکمیں دیمروئی ءِ نوکیں دور ءُ باریگ ءَ داخل بوھگ ءَ انت ءُ ما دوئیں ملک آنی نیام ءَ توامیں شوبگ آنی تہ ءَ یکوئی ءَ را دیمروئی دیگ ءِ واستہ واھشت ائیگ اَنت۔
