راولپنڈی۔24نومبر (اے پی پی):پاک فوج ءِ جارچین لیفٹیننٹ جنرل بابر افتخار ءَ بھارتی فوج ءِ آزاد کشمیر ءَ ناشرکرانی لانچ پیڈ ءِ گپ ءَرا دروگ لیک اِتگء ُ گشتگ کہ پاک فوج خطہ ءِتہا امن ء ُ ایمنی ءُ محکمی ءِ ھاترءَ جزم کتگء ُ ہرچ وڑیں پندلانی پسو دیئگ ءَ ساڑی اِنت۔ پنچ شمبے ءِ روچءَ ڈی جی آئی ایس پی آر لیفٹیننٹ جنرل بابر افتخار ءَ وتی ٹویٹءِ تہا گشتگ کہ آزاد جموں و کشمیر ءِ ہوالگءَ ہمگرنچیں بھارتی فوج افسر ءِ بیان بے بُن اِنت، آزاد کشمیر ءَ ناشرکارانی لانچ پیڈ ءِ گپ دروگ اِت، اے بیان بھارتی فوج ءِ پندل ساچیں ھیالءِ عکس اِنت۔ جی آئی ایس پی آر لیفٹیننٹ جنرل بابر افتخارءَ گشتگ کہ اقوام متحدہ ءِ سلامتی کونسل ءِ تپاک نامہ میاں اوستمانی کانود ءِ ردءَ کشمیری آنی وت واجہی آیانی بنکی حک اِنت۔ آئی ءَ گشتگ کہ بھارتی فوج وتی سیاسی واجہ آنی گچین کاری مہم ءِ ھاترءَ بے بنیں بیان شنگ کنگءَ اِنت، بھارتی فوج غیر ذمہ واریں ءُ کستءُ کینگ شنگ کنوکیں بیان مانت، بھارتی افسر آنی بیان ء ُ گپ دروگ اَنت۔
