اسلام آباد۔24نومبر (اے پی پی):ترکیہ ءِ صدر رجب طیب اردگان ءِ دعوت ءِ پد ءَ مزن وزیر محمد شہباز شریف 25 ءَ بگر تاں 26 نومبر ءَ تاں ترکیہ ءِ دو روچی سرکاری تر ءُ تاب ءَ کنت۔ مزن وزیر محمد شہباز شریف ءُ صدر اردگان ءِ ستنبول شپ یارڈ ءَ پاک بحریہ ءِ واستہ چار ملجم (MILGEM) کارویٹ جہاز آں چہ سیمی پی این ایس خیبر ءِ بنگیج ءَ کنت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دوئیں سروک دو نیمگی یکوئی، دمگی جاور ھال ءُ یکجائی واھگءُ ایندگر کار آنی سر ءَ ھیال ریچی کن انت۔ مزن وزیر ترکیہ ءِکاروباری برات آنی سروک آں گوں گند ءُ نند کنت انت۔ ای سی او ٹریڈ اینڈ ڈویلپمنٹ بینک (ای ٹی ڈی بی) ءِ صدر ھم مزن وزیر ا ستنبول ءَ برجائی ءِ ساھت ءَ آئی ءَ گوں گند ءُ نند کنت انت۔ پاکستان ءُ ترکیہ ءِ نزیکیں براتی ءُ یکوئی دود ءُ ربیدگ ءُ تاریخی یکجائی ءِ جھلانکی آں گوں بندوک انت ءُ لس یکوئی ءُ وت مہ وتی آنی رد ءَ انت۔ دوئیں ملک آنی نیام ءَ یکجائی کمک آنی رد ءَ MILGEM منصوبہ پاکستان-ترکی سٹرٹیجک پارٹنرشپ ءَ یک ٹوھیں بن ھشتےءِ بستار ءَ دار ائیت۔ پاک بحریہ ءِ واستہ اولی کارویٹپی این ایس بابر ءِ لانچنگ مراگش اگست 2021 ءَ استنبول ءَ کنگ بوتگ وھدیکہ دومی جہاز پی این ایس بدر ءِ بن ھشت مئی 2022 ءَ کراچی ءَ بست ءُ بند کنگ بوتگ ات۔ مزن وزیر ءَ ایشی ءَ چہ پیسر مئی، جون 2022 ءَ ترکیہ ءِ تر ءُ تاب کتگ بوتگ۔
