اسلام آباد۔23نومبر (اے پی پی):بلوچ نودربرانی تحفظات ءِ پٹ ءُ پول ھاترا اسلام آباد ہائی کورٹ ءِ حکم سرا جوڈ داتگیں کمیشن کنویئر سردار اختر مینگل ءَ گوشت کہ ریاست ءَ را بلوچ راج ءِ تہ اعتماد بحال کنگ ھاترا اعتماد ساچی ءِ گامگیج چست کنگ بنت، سکیورٹی ایجنسیز ھوار دراھیں پریکانی صلاح ءَ را رپورٹ ءِ تہ پج کنگ بیت۔اے ھیالانی درشان آہاں چارشمبے ءَ پارلیمنٹ ہائوس ءِ تہ کمیشن ءِ ھشتمی دیوان ءِ سروکی کنان ءَ کتگ ۔دیوان ءِ تہ کمیشن ءِ سیکرٹری ءَ آوکیں روچاں آمیدگس ءِ تہ پیش کتگ ءِ رپورٹ ءِ تیاری ءِ درگت ءَ تنیگہ بوتگیں دیمروئی ءِ باروا باسکاں را سرپد کتگ۔باسکاں انوگیں کوئٹہ تروتاب ءِ درگت ءَ لہتیں اسٹیک ہولڈرز ءِ گوما گپ ءُ حال ءِ روژنی ءِ تہ رپورٹ ءِ کاگدانی سرا سرجمیں ھیال ریچی کنگ بوتگ
