کوئٹہ۔23نومبر (اے پی پی): بلوچستان ءِ سر وزیر میر عبدالقدوس بزنجو ءَ گوں پیسرگیں صوبائی وزیر اسفندیار کاکڑ ءِ سروکی ءَ آل پارٹیز برشور توبہ کاکڑی اولسی کمیٹی ءِ ڈل ءَ گوں گندء ُنندکتگ۔ صوبائی وزیر انجینئر زمرک خان اچکزئی، نور محمد دمڑ وزیراعلیٰ ءِ کوآرڈینیٹر ملک امان اللہ مہتر زئی ء ُ بلال کاکڑ ہم اے موہ ءَ ساڑی بوتگ اَنت ڈل ءَ نوکیں جوڑ بوھوکیں ضلع کاریزات ءِ ہیڈکوارٹر ءِ خانوزئی ءَ نندگءِ وہد ءَ وتی تکانسری ءِ درشانی کتگ سروزیرءَ ڈل ءَگوں گپء ُتران کتگ ء ُ گشتگ کہ برشور ءِ اُلس ءِ تکانسری دور کنگ بنت ء ُ ہرچ فیصلہ ءِ تہا برشور ءِ اُلسءِ وائشت چارگ بنت۔ آئیءَ گشتگ کہ دھرنا ء ُ زھرشانی ءَ چہ جیڑہ گیش ء ُگیوار نابنت، سروزیر سیکرٹریٹ ءِ دروازگ پہ درسانی ھاترءَ پچ اَنت ء ُ گہتر اِش اِنت کہ جیڑہ ء ُ جنجالانی گیشء ُ گیواری ءِ ھاترءَ ہمگرنچیں فورمءَ توار برگ بہ بیت۔ آئی ءَ گشتگ کہ منی ھاترءَ پشتون بلوچ برابر اَنت ء ُ ما ہرچ فیصلہ صوبہ ءِ پائدگ ءَ چاراں ء ُ کناں۔
