اسلام آباد۔23نومبر (اے پی پی):چیئرمین سینیٹ محمد صادق سنجرانی ءَ گشتگ کہ صوبہ بلوچستان ءِ دیمروئی ءُ وشھالی سرجمیں ملک ءِ معاشی محکمی ءَ را الم کنت، معاشی دیمروئی صنعتی دیمروئی ءَ چہ بیت پہ ہمے ھاترءَ انڈسٹری آناں چلائنگ ءِ ھاترءَ بجلی باز المی اِنت۔ اے ھیالانی درشانی آئی ءَ کوئٹہ الیکٹرک سپلائی کمپنی ءِ چیف ایگزیکٹو انجینئر عبدالکریم جمالی ءَ گوں گپ ء ُتران کنان ءَ کتگ کہ آیاں مزن گسءَ گوں یکے دومی ءَ گندء ُنندکتگ۔ گندء ُنندءِتہا انجینئر عبدالکریم جمالیءِ سینیٹءِ چیئرمین ءَ را چاغی ءِ یونین کونسل چارسر ءَ بجلی ءِ منصوبہ آنی ہوالگءَ شونست داتگ۔ انجینئر عبدالکریم جمالی ءَ گشتگکہ یونین کونسل چارسر ءَ ہوار صوبہ بلوچستانءِ بازیں دمگاں بجلیءِ سرکنگ ءِ ھاترءَ منصوبہ آنی سرءَ کار بوہگءَ اِنت۔ اے موہءَ سینیٹ ءِ چیئرمین ءَ بلوچستان ءِ بازیں دمگاں بجلی ءِ سرکنگ ءِ منصوبہ آں زوت سرجم کنگءِ پنتء ُ شون کتگ۔
