اسلام آباد۔22نومبر (اے پی پی):بنجاہی وزیر برائے منصوبگ بندی ،دیمروئی ءُ ھاسیں گامگیج پروفیسر احسن اقبال ءَ گوستگیں ماہ ءِ تہ بیوکیں یازدھمی مشترکہ کمک کمیٹی (جے سی سی)ءِ دیوان ءُ مزن وزیر شہباز شریف ءِ انوگیں چین ءِ تروتاب ءِ پدا سئے شمبے ءَ سی پیک منصوبگانی سرا دیمروئی ءِ جائزگ گپتگ ءُ ہمگرنچیں واکداراں را کڈنی داتگ کہ آں سی پیک منصوبگانی سرا عملدرآمد ءَ را ترند کن انت۔27 اکتوبر ءَ 11می جے سی سی ءِ دیوان پروفیسر احسن اقبال ءُ وائس چیئرمین نیشنل ڈویلپمنٹ اینڈ ریفارم کمیشن (این ڈی آر سی) ءِ یکجاھیں سروکی ءِ تہ وزارت منصوبگ بندی ءِ تہ بوتگ ات ایشی سرا دوئیں پریکاں را سی پیک ءِ منصوبگءَ را ترند کنگ سرا تپاک کنگ بوتگ انت وھدیکہ جے سی سی ءِ پدا مزن وزیر شہباز شریف ءِ تروتاب ھم بوتگ ایشی ءِ تہ لہتیں ایم او یوز سرا دست چنگل کنگ بوتگ ات۔سئے شمبے ءَ بیوکیں دیوان ءِ تہ سی پیک ءِ ایگزیکٹو ڈائریکٹر، چیف اکنامسٹ، وزارت منصوبگ بندی ءُ لہتیں وزارتانی نماھندگ ءَ بھرزوری کرتگ
