اسلام آباد۔22نومبر (اے پی پی):پاکستان ءَ ڈبلیو ایف پی ءِ کنٹری ڈائریکٹر کرس کائے ءَ چیئرمین این ڈی ایم اے لیفٹیننٹ جنرل انعام حیدر ملک ءَ مزن وزیر سیکرٹریٹ ءَ گوں گند ءُ نند کت۔ آئی ءَ سیلاپ 2022 ءِ ساھت ءَ وردن ءُ وراک ءِ نہ رکھینگ ءِ رد ءَ ءُ وردن ءُ وراک ءِ رکھینگ ءِ انتظام ءِ واتہ دیم ءَ ودینگ ءِ کار رپک ءِ ھوالگ ءَ ھیال ریچی کت تانکہ ھمزوریں کمیونٹیز آناں موسمی مٹ ءُ بدلی ءَ چہ رکھینگ بوت بہ کنت۔ کرس کائے ءَ میاں اوستمانی شریکداری آنی گوما یکجائی ءَ وردن ءُ وراک ، نگدی زر، وردن ءُ وراک ءُ روزگار ءِ پجاری ءِ وسیلگ ءَ سیلاپ ءِ آماچیں مردم آنی کمک ءِ واستہ ڈبلیو ایف پی ءِ کمکی آپریشن ءِ سر ءَ چمشانک دات۔ آئیءَ گیش گوشت کہ ڈبلیو ایف پی ءَ وتی پروگرام ءَ را ترجی داتگیں دمگ آنی ٹک ءُ نشان، فوڈ، چین پروگرام ءِ برجائی ءُ تکنیکی کارندہ آنی واستہ ھیل کاری پروگرام ءِ گوما آسراتی بنجاہ آنی جوڑیشت ءَ کمک ءِ واستہ بست ءُ بند کتگ۔ چیئرمین این ڈی ایم اے ءَ لاجسٹک سپورٹ، وراک ءُ وردن ءِ پجاری ءُ سیلاپ ءَ چہ آماچیں دمگ آناں اشتاپیں رد ءَ کمک پجاری ءِ وسیلگ ڈبلیو ایف پی ءِ بنی آدمی یکوئی ءِ کرد ءَ را ساڑات۔ گند ءُ نند ءَ فوڈ چین ءِ کار رپک جوڑیشت ءُ مالیاتی رکھینگی پروگرام ءِ وسیلگ ءَ درستاں چہ ھمزورکیں تبک ءِ رکھینگ ءِ واستہ وت مہ وتی کمک جاری دارگ ءِ سرءَ تپاک کنگ بوت۔
