بنجاھی  وزیر  تجارت  سید نوید  قمر  ءَ گوں پاکستان ءَ زر  باری افریقہ ءِ  ہائی کمشنر ءِ  گوما گند ءُ نند، پاکستان  زر باری افریقہ    دو  نیمگی   تجارت ءِ جتا جتائیں  بھرآنی    سرءَ  ھیال ریچی  کنگ بوت

اسلام آباد۔22نومبر  (اے پی پی): بنجاھی وزیر تجارت  سید نوید  قمر ءَ گوں پاکستان ءَ زر باری  افریقہ  ءِ ہائی کمشنر  ایم مدکیزا ءَ  سئے شمبے ءَ آئی ءِ کارگس ءَ گند ءُ نند  کت۔ گند ءُ نند  ءَ سیمی  پاکستان   افریقہ  ٹریڈ   ڈویلپمنٹ  کانفرنس   ءُ سنگل کنٹری  نماش  ءِ سر ءَ ھاسیں  دلگوشی ءِ گوما  پاکستان زر باری افریقہ  دو  نیمگی تجارت ءِ جتا جتائیں  بھر آنی سر ءَ  ھیال ریچی  کنگ  بوت۔ اے  موہ ءِ سر ءَ  تران  کنان ءَ  بنجاھی وزیر سید  نوید قمر  ءَ گوشت کہ  وزارت  تجارت  ءُ سرمایہ کاری   29   نومبر   ءَ چہ یکم  دسمبر   2022  ءَ تاں   جاہانسبرگ ، زر باری افریقہ  ءَ سیمی پاکستان  افریقہ  ٹریڈ  ڈویلپمنٹ  کانفرنس ءُ سنگ  کنٹری نماش  ءِ   جوڑیشت  کنگ ءَ انت۔   پاکستان ءَ   گوں  کساس  225  نماش  کنوکیں   ءُ کاروباری   سروک آنی یک   ڈلے آ   دوا  سازی،  ٹریکٹر/  کشت ءُ کشاری مشینری، انجینئرنگ  ءِ سامان،  لیب ءُ گوازی ءِ  سامان ءُ کمیکل   ءَ ھوار  بیست  ٹوھیں شوبگ  آنی  سروکی ءَ  کنت۔  سیمی پاکستان  افریقہ   ٹریڈ  ڈویلپمنٹ  کانفرنس ءُ سنگ  کنٹری  نماش ءَ  بھر زوری ءِ  واستہ  جوہانسبرگ  ءِ تر  ءُ  تاب ءَ  کنگ ءَ انت۔  سنگل  کنٹری  نماش ءَ  کساس   130  کمپنی    وتی  سامان  آنی نماش ءَ   کنت۔  ساؤتھ افریقن  ڈیولپمنٹ   کمیونٹی ءِ  16  باسکی ملک آنی  کارندہ  ءُ کاروباری  سروک   آناں  کانفرنس  ءَ  بھر زوری ءِ  واستہ    دعوت دیگ  بوتگ۔  کانفرنس  ءَ  زر باری  افریقہ  ءِ    سروک  ھم  بھر زوری  کن انت  ایشانی  تہءَ  زر باری افریقہ  ءِ  وزیر  ءِ تجارت    ءُ صنعت   ھوار انت، آئیءَ  ھاسیں مہمان ءِبستار ءَ  دعوت  دیگ بوتگ۔