اسلام آباد۔22نومبر (اے پی پی): بنجاھی وزیر برائے منصوبگ بندی، دیمروئی ءُ ھاسیں گامگیج پروفیسر احسن اقبال ءَ گوشتگ کہ حکومت ورنا آناں گہتریں موہ پجاری کنگ ءِ وستہ جزمیگ انت ءُ ینگ ڈویلپمنٹ فیلوز (YDFs) پروگرام وزارت ءِ منصوبگ بندی ءِ یک گہتریں گامگیج ات ایشی ءِ مول ءُ مراد ورنا آناں پبلک پالیشی ءِ جیڈ ھ آناں سیکھارینگ ءَ کمک پجاری کنگ انت۔ تانکہ آ ملکی دیمروئی ءَ وتی جوانیں کرد ءَ پیلو کت بکناں۔ اے ھیالانی درشانی آئیءَ وزارت ءِ منصوبگ بندی ءَ یک شلیں رنگ ءَ ھوار بوھوکیں 40 YDFs ءِ 5 پنچمی سوگند چست کنگ ءِ ساھت ءَ کت۔ اے فیلو شپ ءِ بنگیج 2013 ءَ بنجاھی وزیر ءَ بندات کتگ بوتگ ایشی ءَ را 2018 ءَ پی ٹی آئی ءِ حکومت ءَ بند کتگ بوتگ پدا ھم ایشی ءِ دوارگ بنگیج کنگ بوتگ۔ ینگ ڈویلپمنٹ فیلوز ءِ چیر دستی ءَ YDFs ءَ را وزارت ءِ جتا جتائیں بھر آنی تہءَ پوسٹنگ کنگ بوتگ تانکہ آ حکومت ءِ جیڈھ آناں بہ زان انت ءُ ملکی دیمروئیءَ وتی پازیٹو کرد ءَ را پیلو کت بکن انت۔ بنجاھی وزیر ءَ علامہ اقبال ءِ کلوہ ءِ سر ءَ چمشانک داست ڈی ایفیز ءِ سر ءَ زور پر داست کہ آ جوانیں بے دروریں شاعر اقبال ءِ لیکہ ءَ را وتی بکن انت آئیءَ وتی شاعری ءَ چہ ورنا آناں شاہین گونگ گوشتگ ءُ مرچگیں ورنا اقبال ءِ لیکہ ءَ را وتی بکن انت ءُ چاگرد ءِ دیمروئی ءَ وتی جوانیں کرد ءَ کت کناں۔
