وزیراعظم نا سلاہکار انجینئر امیر مقام نا لوک ورثہ نا دورہ، 10 دے ئی لوک میلہ نا بست وبند آتا جاچ ءِ ہلک

اسلام آباد۔ 22 نومبر (اے پی پی) وزیراعظم نا سلاہکار سیاسی، السی امور و قومی میرات و دودوربیدگ انجینئر امیر مقام سے شنبےنادے آ نیشنل انسٹی ٹیوٹ آف فوک اینڈ ٹریڈیشنل ہیرٹیج لوک ورثہ نا دورہ ءِ کرے و 10 دے ئی لوک میلہ نا بست وبند آتا جاچ ءِ ہلک ۔ او چندی صوبائی و ایلو پویلین آتادورہ ءِ ہم کرے و بست وبند آتا جاچ ءِ ہلک۔ انجینئر امیر مقام پارے کہ 10 سٹال خصوصی وڑاٹ نوکاپ آن زہمی علاقہ غاتا دستکار و کاریگر آتیکن جتا کننگانے۔ لوک ورثہ نا سینئر عہدیدار آک اودے 10 دے ئی لوک میلہ نا بست وبندآتا بارواٹی معلومدار کرے۔ اوپارے کہ قومی میرات و دودوربیدگ ڈویژن ملک انا لوک دودوربیدگی میرات نا رکھ و مون آ دننگ کن سنبرینگوک ءِ۔ وزیراعظم نا سلاہکار پارے کہ لوک میلہ ننا خلقی علاقہ غاتا متحرک تخلیفی لائخی تے تالان کننگ نا کاریم ءِ کیک و خلقی مخلوق ءِ اوفتا شناخت آ گمر محسوس کیک۔ اوپارے کہ لوک میلہ نا اڈتننگ ملک انا ہندی لوک ورثہ نا مون آ دننگ، قومی ہم گرنچی و یکجہتی ءِ سوگو کننگ کن کننگ انگ ءِ۔ اوپارے کہ لوک میلہ نا مسخت دستکار و لوک فنکار تے تینا لائخی تا درشانی ءِ کننگ کن اسہ پلیٹ فارم اس فراوان کننگ ءِ۔ لوک میلہ 25 نومبرآن بناکیک و 10 دے ئی لوک میلہ نا بنائی دود و چادر پوشی 26 نومبر آ مریک ۔ وزیراعظم نا سلاہکار قومی ورثہ و دودوربیدگ انجینئر امیر مقام دا وخت آ مہمان خاص مریک۔