عمران خان نا مچ آ سیاسی زند یوٹرن اٹی گدرینگک، سینیٹر شیری رحمان

اسلام آباد۔ 22 نومبر (اے پی پی) بنجائی وزیر چاگڑدی بدلی سینیٹر شیری رحمان پارینے کہ عمران خان تدوک آ ہفت تُو آن امریکہ و اسٹیبلشمنٹ آ حکومت ءِ بِٹنگ نا دوبہ غاتے خلککہ، اناگت اودے خیال بس کہ اونا حکومت ءِ بِٹنگ اٹ ہچ ءُ پیشن و تہہ نا سازش اس اَلوکہ، سے شنبےنادے آ تینا ٹویٹ اٹی اوپارے کہ امریکی لابنگ فرم اتون معاہدہ کننگ آن پد عمران خان تینا بیانیہ غان پدریسہ یوٹرن ہلنگ ءِ، بظاہر دا چاہسکہ کہ بے پتی ٹی ہچ ءُ سازش اس اوار اَلوکہ ، او اسہ آئینی و پارلیمانی باندات اس ئسک، ولے داڑان سیاسی فائدہ ہرفنگ کن او پاکستان نا جہانی تعلقداری تے گہیو تخا۔ اوپارے کہ عمران خان حقی آجوئی نا دروغ انا بیانیہ نا بنداو آ ملک اٹ تقسیم، خار و بے چیٹی تالان کرے، اونا خار تس سیاست آن ہرا ملک و ادارہ غاتے نسخان مس، انت اسہ یوٹرن اس ہلنگ آن اوفتا ازالہ مریک؟ اونا غٹ سیاسی زند یوٹرن اٹی ہی گدرینگک انتئے کہ اونا سیاست ملک و الس تون اف بلکن اونا تینا جند انا فائدہ غاتون تفوک ءِ۔