مچ آ ملک اٹی 24 گھنٹہ ٹی کورونا دین انا 25 کیس رپورٹ مس، قومی ادارہ جان جوڑی

اسلام آباد۔ 22 نومبر(اے پی پی) مچ آ ملک اٹی 24 گھنٹہ ٹی کورونا دین انا 25 کیس رپورٹ مس۔ سے شنبےنادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی 3 ہزار 478 کورونا ٹیسٹ کننگا ہرافتیان 25 بندغ آتا ٹیسٹ مثبت بسنے۔ ہنداوڑ دا مد اٹی کورونا ٹیسٹ انا مثبت کچ 0.72درسد ئسک۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 46 ناجوڑ آتا حالیت نازرک ءِ۔