صدر مملکت ڈاکٹر عارف علوی نا شہید آتا خاہوت آتون ٹیل فون آ رابطہ ، ہڑزخواہی نا درشان

اسلام آباد۔ 21 نومبر (اے پی پی) صدر مملکت ڈاکٹر عارف علوی شہید آتا خاہوت آتون ٹیل فون آ رابطہ و ہڑزخواہی کرینے۔ دوشنبےنادے آ ایوان صدر نا پریس ونگ آن جاری بیان نا رداٹ صدر مملکت شہید نائیک تاج محمد و لانس نائیک امتیاز احمد نا خاہوت تون است ہسونی نا درشانی ءِ کرے۔ ہڑتوم آک 15 نومبر آ ضلع باجوڑ نا علاقہ ہلال خیل نا جلہو اٹی شہید مسر۔ صدر مملکت شہید آتا لمہ و باوہ تون ہیت کرے۔ ڈاکٹر عارف علوی پارے کہ نا مار انا خذمت آتے اسُل است آن دننگ مفک، قوم وطن نا نرزور گلزادہ غاتے خراج عقیدت پیش کیک۔ صدر مملکت دعا کرے کہ اللہ تعالیٰ اوفتا روح ءِ ابدی اسکول اس عطاکے۔ اوپارے کہ ملک اٹی دہشت گردی نا سلوک آتا پورو چٹفنگ اسکان ننا کوشست برجاسلک۔