بنجاھی وزیر  ھزانگ   ءُ گپت ءُ گیر  سینیٹر  محمد اسحاق  ڈار ءِ آرمی چیف  جنرل قمر  جاوید  باجوہ  ءِ  گس ءِ مردم آنی ٹیکس  ءِ مالومداری  گیر کانودی   رنگ ءَ  لیک  بوھگ ءَ را  گوں ترندی ءَ نوٹس  زرتگ،  24 کلاک آنی تہ ءَ رپوٹ   پیش کنگ ءِ  پنت ءُ شون 

اسلام آباد۔21نومبر  (اے پی پی): بنجاھی وزیر   ھزانگ   ءُ  گپت ءُ گیر  سینیٹر   محمد اسحاق  ڈار ءَ  آرمی چیف  جنرل قمر   جاوید  باجوہ ءِ   گس  ءِ مردم آنی   ٹیکس  ءِ  مالومداری  گیر  کانودی  رنگءَ لیک    بوھگ  ءَ  گوں  ترند ءَ  نوٹس  زوران ءَ ھاسیں  کمکار  طارق  محمود  پاشا  ءَ را  ایف  بی آر  ءِ ڈیٹا  ءِ  ھلاپ   ورزی  ءَ را  زوت  پٹ ءُ پول  کنگ ءِ پنت ءُ  شون  کتگ۔  وزیر ءِ  ھزانگ  ءَ اے رد ءَ  24  کلاک آنی اندر ءَ  رپوٹ  پیش  کنگ ءِ پنت ءُ شون  کتگ۔ وزارت  ءِ ھزانگ  ءِ  نیمگ ءَ جاڑی  بوتگیں  بیان ءِ رد ءَ   وزیر ءِ ھزانگ ءَ آرمی  چیف  جنرل قمر  جاوید  باجوہ ءِ  گس ءِ  مردم آنی  ٹیکس  مالومداری   آناں  گیر  کانودی ءُ گیر ضلوریگیں  رنگ ءَ  لیک  کنگ ءِ  بابت ءَ  ترندی ءَ گوں نوٹس  زرتگ۔  وزیر ءِ   ھزانگ ءَ گوشتگ کہ اے  ٹیکس  ءِ مالومداری  آناں سرجمیں  رازداری کنگ ءِ  ھلاپ   کنگ  انت  ۔  لستیں  گیر زمہ واری  آنی   نیمگءَ چہ اے  سلیں  کوتاہی  آنی رد ءَ  وزیر ءِ ھزانگ  ءَ  مزن وزیر ءِ ھاسیں  کمکار  برائے    گپت ءُ گیر  طارق  پاشا ءَ را  پنت ءُ شون  کتگ  کہ  آ زاتی  رنگ ءَ ٹیکس  کانود ءُ ایف  بی آر ءِ  ڈیٹا  ءِ  ھلاپ  کنگ  ءِ زوتیں پٹ ءُ پول  ءِ  سروکی ءَ  بکنت ءُ  زمہ وار آنی  شوہار  ءَ کنان ءَ  24 کلاک آنی اندر ءَ  رپورٹ  پیش  بکنت۔