سپریم کورٹ پرویز مشرف جلہو نا دوبہ دار نا یلہ کننگ نا فیصلہ نا برخلاف اپیل آتے خارج کرے، یلہ کننگ نا پرمان

اسلام آباد۔ 21 نومبر (اے پی پی) سپریم کورٹ مسکوہی صدر پرویز مشرف جلہو نا دوبہ دار رانا تنویر نا رہائی نا ہائیکورٹ نا فیصلہ نا برخلاف بنجا و پنجاب نا کنڈآن دائر اپیل آتے خراج گوندسا دوبہ دار رانا تنویر ءِ یلہ کننگ نا پرمان کرینے۔ دوشنبےنادے آ داڑے عدالت عظمیٰ ٹی درخواست آتا سماعت ءِ جسٹس سردار طارق مسعود نا کماشی ٹی مسہ باسکی بنچ کرے۔ سماعت اٹی دوبہ دار نا وکیل حشمت حبیب ایڈووکیٹ عدالت ءِ معلومدار کرسا تینا دلیل آتیٹی موقف اختیار کرے کہ رانا تنویر حسین نا عمر قید انا سزا پورو مسنے۔ سزا پورو مننگ آن پد ہم رانا تنویر ءِ یلہ کپننگ انگ ءِ۔ اوپارے کہ عمر قید نا مد 14 سال ءِ۔ کنا موکل ءِ زندان اٹی بند کروک کم و ود 20 سال مسنے۔ یات سلے کہ رانا تنویر ءِ سپریم کورٹ 2005 اٹی عمر قید نا سزا بنفیسس۔ داکان مست رانا تنویر حسین ءِ 31 دسمبر 2003 آ پنڈی جلہو کیس اٹی دزگیرکننگاسس۔ سپریم کورٹ ہائیکورٹ نا رہائی نا فیصلہ ءِ برقرار تخسا بنجا و پنجاب نا کنڈآن دائر اپیل آتے خراج کرینے۔