براہ راست درملکی زرکاری ٹی مالی سال انا اولیکو 4  تُو اٹی سالانہ بنداو تیا 52 درسد کمتی

اسلام آباد۔ 21 نومبر (اے پی پی) ملک اٹی براہ راست درملکی زرکاری ٹی برجا مالی سال انا اولیکو 4 تُو اٹی سالانہ بنداو تیا 52 درسد نا کمتی ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ برجامالی سال انا اولیکو چار تُو (جولائی آن اکتوبر ) اٹی ملک اٹی براہ راست درملکی زرکاری نا کچ 348 ملین ڈالر ریکارڈ کننگا ہراتدوک آ مالی سال انا ہند امد انا مقابلہ ٹی 52 درسد کم ءِ، تدوک آ مالی سال انا ہند امد اٹی ملک اٹی براہ راست درملکی زرکاری نا کچ 726 ملین ڈالر ریکارڈ کننگاسس، اکتوبر اٹی براہ راست درملکی زرکاری ٹی سالانہ بنداو تیا 62 درسد نا کمتی مون آ بسنے، اکتوبر 2022 اٹی براہ راست درملکی زرکاری نا کچ 95 ملین ڈالر ریکارڈ کننگا ہرا تدوک آ سال اکتوبر اٹی 247 ملین ڈالر ئسک۔ حساب وکتاب نا رداٹ برجامالی سال انا اولیکو 4 تُو اٹی پورٹ فولیو زرکاری ٹی سالانہ بنداو تیا 36 درسد نا کمتی ریکارڈ کننگانے، جولائی آن اکتوبر اسکان نا مد اٹی پورٹ فولیو زرکاری نا کچ 314 ملین ڈالر ریکارڈ کننگا ہرا تدوک آ مالی سال انا ہند امد اٹی 488 ملین ڈالر ئسک، اکتوبر اٹی پورٹ فولیو زرکاری نا کچ 91 ملین ڈالر ریکارڈ کننگا۔