اے این ایف نا کارروائی، 2 منشیات بہاکروک دزگیر، چرس دوئی

راولپنڈی۔ 21 نومبر (اے پی پی) اینٹی نارکوٹکس فورس (اے این ایف ) چندی کارروائی تیٹی 2 منشیات بہاکروک آتے دزگیر کرسا چرس دوئی کرے۔ اے این ایف نا ترجمان نا رداٹ اینٹی نارکوٹکس فورس (اے این ایف ) نا منشیات بہاکروک آتا برخلاف کارروائی تا چرجوئی برجاءِ، دا رداٹ منشیات تور فورس دوشنبے نا سہب اتون کراچی اورنگی ٹاؤن نا خڑک کارروائی کرسا منشیات بہاکروک ءِ دزگیرکرسا 2 کلو 400 گرام چرس دوئی کرے۔ داکان بیدس کچلاک کوئٹہ ٹی بھلو کارروائی اسے ٹی اوغان باتی اسے آن 94 کلو چرس دوئی کرسا قندھار نا ہنکینی دوبہ دار اسے دزگیر کرے۔ دوبہ دار آتا برخلاف منشیات تور ایکٹ نا رداٹ مقدمہ درج کننگانے۔