سی پیک  چہ گوستگیں 9 سال ءِ تہ یک لکھ 90 ہزار روزگارءِ موہ ودی کتگ ات،چینی واکدار

اسلام آباد۔20نومبر  (اے پی پی):چین ءِ نیشنل ڈویلپمنٹ اینڈ ریفارم کمیشنءِ ربالکارمینگ وی ءَ گوشت کہ چین پاکستان اقتصادی راہداری (سی پیک) یک دمگ یک دگ گام ءِ یک پائلٹ پراجیکٹ انت،ایشی ءَ گوستگیں 9 سال ءِ تہ یک لکھ 90 ہزار مردمانی ھاترا نوکریءِ موہ پھجاراتگ انت۔ چین ءِ نیشنل ڈویلپمنٹ اینڈ ریفارم کمیشن ءِ ربالکار  مینگ وی ءَگوشت کہ چین ءُ پاکستان ءَ  2013  ءِ تہ CPEC ءَ ھواریں کمک کمیٹی (جے سی سی) ہڈ کرتگ، ایشی ءَ  گوادر پورٹ، توانائی، انفراسٹرکچر ءُ صنعت ءِ تہ کمک سرا دلگوشی دیگ بوتگ۔ربالکار ءَ گوشت کہ انوگیں سال ءَ دوئیں ملکاں سائنس ءُ ٹیکنالوجی،ایگری کلچر، چاگردی دیمروئی ، روزگارءُ انفارمیشن ٹیکنالوجی ءِصنعتءِ تک ءَ وتی کمک ءَ را پراھی داتگ۔  گوادر ایسٹ بے ایکسپریس وے پراجیکٹ، چین ءِ مالی کمک ءَ جزوکیں گوادر ءِ تیابی آپ ءَ را ساپ کنگ ءِ منصوبگ،کارلوٹ ہائیڈرو پاور اسٹیشن ،پاکستان ء، ھار آماچیں دمگانی ھاترا چین ءِ کمک ءُ گیشتریں گامگیج ھوار انت۔