پاک فوج بنجاہی ءُ صوبائی حکومتانی کمک ءَ گوں ھارآماچیں دمگانی بحالی ءِ کارءَ را گیش ترند کنگ ءِ کوشستءَ برجاہ دارایت،جنرل قمر جاوید باجوہ

راولپنڈی۔20نومبر  (اے پی پی):پاک فوجءِ سروک  جنرل قمرجاوید باجوہءَ گوشت کہ پاک فوج بنجاہی ءُ صوبائی حکومتانی کمک ءَ گوں ھارآماچیں دمگانی بحالی ءِ کارءَ را گیش ترند کنگ ءِ کوشستءَ را برجاہ دارایت۔آں بلوچستان ءِ تروتاب ءِ موہ سرا تران کنگ ات۔ آئی ایس پی آرءِ گوشگ ءِ ردا آرمی چیف ءَ یک شمبے ءَ بلوچستان ءِ شہر لسبیلہ ءِ تروتاب کرتگ۔آہاں ھارءِ سبب چہ بے گس بوتگیں مردمانی ھاترا لال گل میتگ ءِ تہ جوڈ کتگیں پری فیبری کیٹیڈہلک ءِ بن ہشت ایر کرتگ۔ہلک لال گل  انوگیں ھار ءِ تہ سرجم تباہ بوتگ ایشی سبب لائیو سٹاک،مردمانی جندی سامان ءُ کوکا سرجم ھلاس بوتگ۔ پری فیبریکیٹڈ ویلیج ءِ تہ یک پرائمری اسکول،سولر سسٹم ءُ یک ٹیوب ویلءِ آسراتی ھم انت۔ فرنٹیئر ورکس آرگنائزیشن (ایف ڈبلیو او ) ءَ ریکارڈ وھد ءِ تہ منصوبگ سرجم کتگ۔ آرمی چیف ءَ را ایف ڈبلیو او ءِ ڈائریکٹر جنرل میجر جنرل کمال اظفر ءَ ھار آماچیں مردمانی بحالی ءِ کار باروا دیمروئی سرا بریفنگ داتگ۔ آرمی چیف ءَ لال گل گوٹھ ءِ تہ پرائمری سکولءِ استادانی ءُ نودربرءُ ھندی میتگءِ مردماں گوں گند ءُ نند کرتگ۔اے موہ سرا مزن تکے سول ءُ ملٹری واکدار ھم ساڑی اتنت۔ایشی پدا آرمی چیف ءَ کوئٹہ کور، ایف ڈبلیو او، فرنٹیئر کور(ایف سی) بلوچستان ءُ پاکستان کوسٹ گارڈز ءِ  سکواڈ ءَ گوں ھبرءُ حال کت ءُ انوگیں ھار ءِ تہ ریسکیو،ریلیف ءُ بحالی ءِ کارءِ تہ آہانی کوشستانی ستا کتگ۔ چیئرمین این ڈی ایم اے لیفٹیننٹ جنرل انعام حیدرءُانجینئر انچیف لیفٹیننٹ جنرل کاشف نذیرھم  آرمی چیف ءِ گوما ھوار اتنت۔ایشی ءَ چہ پیسر ءَ  کور کمانڈر کوئٹہ لیفٹیننٹ جنرل آصف غفور ءَ آرمی چیفءَ را وش اتک کرتگ۔