مزن وزیر  محمد  شہبازشریف ءِ کوشت سوبمند بوتگ ات،موسمیاتی تاوان ءِ ھلاسی ھاترا میاں اوستمانی فنڈزہڈ دیگ بوتگ

اسلام آباد۔20نومبر  (اے پی پی):مزن وزیر  محمد  شہبازشریف ءِ کوشست سوبمندبوتگ انت۔موسمیاتی تاوان ءِ ھلاسی ھاترا عالمی فنڈ ہڈ دیگ بوتگ انت ہمہ کہ موسمیاتی تباہی ءِ شکار گریب ملکانی ھاترا وشیں گپ انت۔مزن وزیر کارگس ءِ میڈیا ونگ ءِ نیمگا چہ جاڑی جارانک ءِ ردا کوپ27 ءِ موہ سرا نوکیں راج دپتر نبشتہ کتگ ات ایشی ءِ تہ  سیکریٹری جنرل اقوام متحدہءِ ھوار میاں اوستمانی راھشونءَ ھاسیں کرد ادا کرتگ۔بیان ءِ تہ گوشگ بوتگ کہ  ڈیمیج اینڈ لاس فنڈ ءِ ہڈ موسمیاتی انصاف ءِ نیمگا عملی دیمروئی انت۔مزن وزیر محمد شہباز شریف، دری کارانی وزیر بلاول زرداری  ءُ موسمیاتی بدلی ءِوزیر  شیری رحمان ءَ موسمیاتی انصاف ءِ ھاترا دمگی ءُ میاں اوستمانی تک ءِ سرا سرجم توار برز کرتگ ات۔ ڈیمیج اینڈ لاس فنڈ ءِ وسیلگ ءَ ھارءِ ھوار دگہ موسمی تاوان ءِ آماچ ملکاں را مالی کمک رسیت۔پاکستان ءِ تہ ھار آماچیں مردمانی بحالیءِ تہ کمک رسیت۔ پیرس معاہدہ  ءُ گرہن مارشل پلانءِ مقابلہ ءِ تہ  کوپ 27ءَ عملی گامگیج چست کت راج دپتر جوڈ کتگ۔کوپ 27ءِ سروکی دیوان  شرم الشیخ، مصر ءِ تہ 7  ءُ 8  نومبر ءَ برجم بوتگ ات۔کانفرنس ءُ مصر ءِ صدر ءِ ھاسیں دعوت ءِ سرا مزن وزیر محمد شہباز شریف دیوان ءِ تہ شریدار بوتگ ات۔مزن وزیر  "ڈیمیج اینڈ لاس” ءِ باروا گول میز کانفرنس ءِ شریک صدر نشین ات