اسلام آباد۔20نومبر (اے پی پی):گلگت بلتستان ءِ چیف سیکرٹری محی الدین احمد وانیءَ گوشت کہ گلگت بلتستان ءِ184 وانگجاھاں را توان ءُ آپ ءِ ابید اوشت پھجارگ پہ سولر توان سرا دیم دیگ بوھگ انت۔اے پی پی ءِ گوما گپ ءُ تران کنان ءَ چیف سیکرٹری ءَ گوشت کہ گلگت بلتستانءِ تہ وانگی ادارگہانی ڈیجیٹائزیشن ءِ ھاترا مچ ءِ گامگیج چست کنگ بوھگ انت ایشانی تہ وانگی ادارگہانی تہ آپ ءُ لین ءِ ابید اوشت پھجارگ ءَ سدکی جوڈ کنگ انت۔آہاں گوشت کہ شمسی توانءِ سرا شفٹ کتگ ءِ وانگی ادارگہاں را ایوکا سولر بیک اپ پھجارگ بیت بلکہ دراجیں لوڈ شیڈنگ ءِ جیڈھ سرا ھم گرودار ھاترا ودکی بیٹری ءِ وسیلگ ءَ بیک اپ ھم دستیاب بیت۔آہاں گوشت کہ اے کوشست چہ کوہی دمگانی مہلوک ءِ زند ءِ معیار شر بیت ءُ ورناہاں را نوکتریں ٹیکنالوجی چہ نپ ءِ آسراتی رسیت ہمہ کہ گلگت ءِ پدا سکردو ءِ تہ سافٹ ویئر ٹیکنالوجی پارک ءِ ہڈ ءِ راہ بروبر کن ایت۔آہاں گوشت کہ نوکیں پدریچ ءَ را نوکیں آشوب ءِ ضلورت بوھگ انت ءُ ادا گلگت بلتستان ءِ تہ مہ ٹیکنالوجی ءِ آشوب سرا یقین ایر کنگ انت۔اے ھوالہ چہ حکومت گلگت بلتستان ءِ نیمگا چہ سپیشل کمیونیکشن آرگنائزیشن ءِ کمک چہ گلگت ءِ پدا سکردو ءِ تہ آئی ٹی پارک ھم جوڈ کنگ بیت۔آہاں گوشت کہ گلگت بلتستان ءِ لینڈ سکیپ ءِ تہ بدلی آرگ بنت ءُ ایشی ءَ را ڈویلپڈ ملکانی وڈ ءَ سمارٹ شہرانی تہ بدل کنگ بیتءُ ٹیکنالوجی ءِ دیمروئی چہ دمگ ءِ معیشت ءَ پراھی رسیت،آہاں گوشت کہ ورناہانی وانگیءُ ہیلکاری ءِ ھاترا وانگی فنانس اسکیم ھم آرگ بوھگ انت۔اے اسکیم ءِ ردا گلگت بلتستان ءِ نودربر ہائر ایجوکیشن پروگرام ءِ ردا پاکستان ءِ 15 ٹاپ یونیورسٹیزءِ تہ ایڈمیشن گپت کن انت ءُ آہاں را دراھیں وانگی ھرچ ءُ فیسزءِ ھاترا 100درسد وام پھجارگ بنت۔
