اسلام آباد۔ 18 نومبر (اے پی پی) وزیراعظم آزاد جموں وکشمیر سردار تنویر الیاس خان پارینے کہ آزاد جموں وکشمیر اٹی بلدیاتی گچین کاری ہرحال اٹ مریک، بنجاغان اومیت ءِ کہ او درکار سیکورٹی فراوان کیک۔ جمعہ نادے آ صحافی تتون غیر رسمی گپ وتران کرسا وزیراعظم سردار تنویر الیاس خان پارے کہ آزاد جموں وکشمیر اٹی داوخت آ مخلو ق اٹی بلدیاتی گچین کاری تا خوشی، جوش و ولولہ ءِ، 31 سال آن پد بلدیاتی گچین کاری مننگ والا ءِ، بنجاغان اومی ت ءِ کہ او درکار سیکورٹی فراوان کیک۔ اوپارے کہ بنجائی حکومت ءِ پارینن، ننا حکومت تینا زمواری تے پورو کیک۔ وزیراعظم پارے کہ مخلوق نا بھاز خڑچ مسنے حکومت ءِ اونا احساس ارے، ننتون پلان اس ساڑی ءِ، الیکشن ہر حال اٹ مریک۔
