پیٹرولیم منصوعات آتا درآمد آتیٹی برجامالی سال انا اولیکو چار تُو اٹی 2.3 درسد نا کمتی ریکارڈ

اسلام آباد۔ 18 نومبر (اے پی پی) پیٹرولیم مصنوعات آتا درآمد آتیٹی برجا مالی سال انا اولیکو چار تُو اٹی سالانہ بنداو تیا 2.3 درسد نا کمتی ریکارڈ کننگانے۔ پاکستان بیورو شماریات نا کنڈآن جاری کروک حساب وکتاب نا رداٹ برجامالی سال نا اولیکو چار تُو اٹی پیٹرولیم مصنوعات آتا درآمد آتا کچ 6.054 ارب ڈالر ریکارڈ کننگا ہرا تدوک آ مالی سال انا ہندا مد انا مقابلہ ٹی 2.3 درسد کم ءُ۔ تدوک آ سال انا ہندا مد اٹی پیٹرولیم مصنوعات آتا درآمد آتا کچ 6.197 ارب ڈالر ریکارڈ کننگاسس۔ اکتوبر اٹی پیٹرولیم مصنوعات آتا درآمد آتیٹی سالانہ بنداوتیا 25.9 درسد و ستمبر نا مقابلہ ٹی ماہانہ بنداو تیا 24 درسد نا کمتی ریکارڈ کننگانے۔ اکتوبر اٹی پیٹرولیم مصنوعات آتا درآمد آتا کچ 1.118 ارب ڈالر ریکارڈ کننگا ہراستمبر اٹی 1.564ارب ڈالر و تدوک آ سال اکتوبر اٹی 1.604 ارب ڈالر ئسر۔