راولپنڈی۔ 18 نومبر (اے پی پی) منشیات تور فورس اسلام آباد بالی پٹ اتون اوار ملک انا چندی شار تیٹی کارروائی کرسا بھلو کچ اسے ٹی منشیات دوئی کرینے۔ اے این ایف ہیڈکوارٹر راولپنڈی آن جاری بیان نا رداٹ جمعہ نا سہب انا وختی اسہ سرسہب کارروائی اسے ٹی اسلام آباد انٹرنیشنل بالی پٹ فلائٹ نمبر جے ایف 771 آن بحرین آ ہنوک آ دوبہ داراسے نا پڈ آن 73 ہیرون آن پُر کیپسول دوئی کرسا خوشاب نا ہنکینی دوبہ دار ءِ دزگیر کرینے۔ داکان بیدس اسلام آباد موٹروے سنگجانی ٹول پلازہ غا کار اسے آن 90 کلو چرس و 40 کلو 800 گرام ہفیم دوئی کرسا اوغانی باتی اسے دزگیر کننگا۔ ہندا وڑ اسہ جتا ءُ کارروائی اسے ٹی لاہور انٹرنیشنل بالی پٹ آ نائیجیریا غان بروک آ زالبول اسے نا پڈ آن کوکین آن پُر 4 کیپسول دوئی کننگا۔ خانیوال نا خڑک کارروائی کرسا سلہہ غاتون اوار 1 کلو 700 گرام ہیرون، 7 کلو چرس و ہیرون مکس کروک آ مشین دوئی کننگا۔ کراچی گورنگی ٹی نجی کوریئر آفس اٹی آسٹریلیاکن بُک کروک آ پارسل آن پچ آتیٹی جذب مروک 4 کلو شکبر کیمیائی مواد دوئی کوئٹہ سریاب روڈ آ کارروائی کرسا کوئٹہ نا ہنکینی دوبہ دار آن 10 کلو چرس دوئی دوبہ دارآتے دزگیر کرسا منشیات تور ایکٹ نا رداٹ مقدمہ درج کرسا جاست وپاست نا بناءِ کننگانے۔
