طور خم ۔17نومبر (اے پی پی):کسٹمز کارندہ آں بارڈر کراسنگ پوائنٹ طور خم ءَ ڈالرز ءِ سمگلنگ کنگ ءِ ھلاپ ءَ کریک ڈاؤن ءِ ساھت ءَ 2 مسافر آں چہ 40 ہزار ڈالر برآمد کتگ۔ کسٹمز کارند آنی رد ءَ سیم سر آنی وسیلگ ءَ در ملکی کرنسی سمگلنگ ءِ اھوالانی پد ءَ بارڈر کراسنگ پوائنٹ طور خم ءِ سر ء۔ گاڑی، بیگ آنی چیکنگ دل یکیمی جوڑ کنگ بوھگ ءَ انت۔ گوستگیں 5 روچ آنی ساھت ءَ دو مسافر آں چہ مزنیں کساس ءَ در ملکی کرنسی برآمد کنگ بوتگ۔ 12 نومبر ءَ کسٹمز ءِ رندہ اظہر اکبر ولد گل تاج خان (پاکستانی) پاسپورٹ نمبر WM1334701 ءَ دزگیر کت ءُ تلاشی گپت، اے مرد ءَ 2 دانگ پلاسٹک بیگ برآمد کنگ بیت ایشانی تہءَ 10,10 ہزار ڈالر ءِ در ملکی کرنسی است ات۔ 17 نومبر ءَ کسٹمز سٹاف ءَ اقدس اریال دختر گل محمد (اوگانی) پاسپورٹ نمبر PO0149377 ءَ را دزگیر کت گڈا آئی ءِ کوپگے بیگ ءَ چہ 20 ہزار ڈالر در ملکی کرنسی برآمد کت۔ اے دوئیں ملز آنی ھلاپ ءَ کسٹمز ایکٹ 1969 ءِ چیر دستیءَ گیش کاروائی کنگ بوھگ ءَ انت۔ ادا اے گپ سہرا بیت کہ در ملکی کرنسی ھاسیں رنگ ءَ ڈالر ءِ سمگلنگ ءَ چہ ملک ءَ ڈالرز ءِ کمی واکیہ بیت ایشی ءَ چہ نا ایوک ءَ ڈالر ءِ مقابلہ ءَ کلدار ءِ سر ءَ زور پر بیت ءُ آماچ بیت ایشی ءَ ھوار راجی معیشت ھم آماچ بیت۔
