اسلام آباد۔ 17 نومبر (اے پی پی) مچ آ ملک اٹی 24 گھنٹہ ٹی 8 ہزار 600 کورونا ٹیسٹ کننگا، مثبت کیس آتا کچ 0.66 درسد ئسک۔ پنچ شنبےنادے آ نیشنل انسٹیٹیوٹ آف ہیلتھ (این آئی ایچ ) نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی کورونا دین انا 8 ہزار 600 ٹیسٹ کننگا ہرافتیان 57 بندغ آتا ٹیسٹ مثبت بس، ہندا وڑ مثبت کورونا ٹیسٹ انا کچ 0.66 درسد ئسک۔ داکان بیدس داوخت آ کورونا دین آن اسہ ناجوڑ اس زوال کرے وخت اس کہ 53 ناجوڑ آتا حالیت نازرک ءِ۔
