اسلام آباد۔ 17 نومبر (اے پی پی) بنجائی وزیر چاگڑدی بدلی سینیٹر شیری رحمان پارینے کہ دُز داڑیل نا سیاست کروک آ توشہ خانہ نا بابت چلینگوک آ خبرآتیا ترند مسنے، اونا ہبکئی آن پاش مریک کہ دا بھاز بے وڑ بے نقاب مسنے۔ پنچ شنبےنادے آ تینا اسہ ٹویٹ اسے ٹی اوپارے کہ اگہ گھڑی ءِ دُزی کتنے تو خبر آتیا انت اکن اعتراض ءِ، خبرتننگ میڈیا نا زمواری ءِ، نی خواسہ کہ نا کرپشن و دُزی آ ہچ کس ہیت کپ؟ ۔ اوپارے کہ دُزی کتنوس تو خبرآتیان انت اکن خلینگ اٹی اُس، توشہ خانہ دوبہ آخا دا اسہ پک مروک باندات اسے۔ شیری رحمان پارے کہ نی ہندا کیس اٹی قومی اسمبلی نا رکنیت آن نابود مسونس، نے الیکشن کمیشن کرپٹ پریکٹس نا مرتکب مننگ آ سزا تسنے ، نا ہر بیانیہ ہر نعرہ منافقت و دروغ آ تالان ءِ۔
