راولپنڈی۔16نومبر (اے پی پی):پاک فوج ءِ سروک جنرل قمر جاوید باجوہ ءَ چار شمبے ءَ کراچی ءِ تروتاب کتگ۔ آرمی چیف ءَ کراچی ایکسپو سینٹر ءِ تہ آئیڈیاز 2022 ءِ لہتیں اسٹال ءِ چار ءُ تپاس کتگ۔آئی ایس پی آر ءِ گوشگ ءِ رداآرمی چیف ءَ بحرین، اٹلی، سری لنکا، لیبیا، زمبابوے ءُ یو اے ای ءِ ھوار لہتیں ملکانی جھگیرءَ گو ں جتا جتائیں گند ءُ نند کتگ۔ایشی ءِ پدا آرمی چیف ءَ ملیر گیریژنءِ تروتاب کرتگ ءُ اودا شہیدانی یات گیری ءِ سرا پھلانی چادر مان کتگ۔ پاک فوج ءِ سروک ءَ افسرءُ کارندہاں گوں تران کنان ءَ آہانی پروفیشنلزم ہیلکاری ءُ فرضانی پیلوکنگ ءَ را ساڑاتگ۔آہاں انوگیں ھارءِ تہ مردمانی کمک کنگ ءِ ھاترا پاک اُردو ءِ محنت،ریسکیو ءُ ریلیف ءِ کارءَ را ساڑاتگ۔ایشی ءَ چہ پیسر ءَ کراچی آھگ ءِ ساعت ءَ کور کمانڈر کراچی لیفٹیننٹ جنرل محمد سعید ءَآرمی چیف ءَ را وش اتک کرتگ
