اسلام آباد۔16نومبر (اے پی پی): مزن وزیر ءِ مشیر برائے کشمیر ءِ کار قمر زمان کائرہ ءَ گوشت کہ عمران خان ءَ توشہ خانہ ءَ چہ دزتگیں گڑیال ھرچی مالیت ءَ بھا کتگ ایشی ءِ 20 درسد تو راجی ھزانگ ءَ جم بکنائینت انت۔ آئی ءَ وتی مڈی آنی تہ ءَ ایشرا سہرا نہ کتگ، آئی ءَ را اے راج ءِ ورنا ایشی ءِ سزا ءَ دنت، نواز شریف ءُ آصف زرداری ءَ توشہ خانہ ءَ چہ گاڑی زرتگ ایشاں آ کارمرز کنگ ءَ انت، آئیءَ بھا نہ کتگ انت، عمران خان توامیں ادارگ آنی سر ءَ بھتام جتگ ءُ سیاسی ھلاپ کنوک آناں بیر گرگی کاروائی ءِ نشانگ بستگ، نوں آئیءِ ھمک روچءِ بنیات ءَ سکینڈلز دیم ءَ سہرا بوھگ ءَ انت، امریکی پینگ جنگ ءَ ھوار بازیں بھتام ءَ چہ آئی ءَ یوٹرن زرتگ، اے ملک ءَ را اے وھد ءَ وت مہ وتی تپاکی ءِ ضلورت انت، عمران خان ہوش بہ گپت، درستاناں یکجائی ءَ پیسلہ کنگ لوٹ ائیت، یک لیڈر ءِ ، گلے یا ادارگ ءِ ملک ءَ را ڈکالءَ چہ در کنگ ءِضلورت انت یکجائی دانش ءِ ضلورت انت۔ چار شمبے ءَ ھاسیں کمکار فیصل کریم کنڈی ءِ ھمبراھی ءَ پریس کانفرنس ءَ گوں گشتانک دیان ءَ قمر زمان کائرہ ءَ گوشت کہ عمران خان ءَ وتی دور ءِ حکومت ءَ کتگیں سوگند آناں سرجم نہ کتگ ۔ آ ھمک روچ دروگ بند ائیت۔ آئی کار انت دروگ بندگ۔ سائفر ءِ نام ءَ یک بٹاک ءِ جنگ بوت کہ امریکہ ءَ پاکستانی ءِ تہی جیڈھ آنی ھوارلگ ءَ پینگ جنی کتگ۔ نوں خان صاحب ءَ ایشی ءِ سرءَ یوٹرن زرتگ ءُ گوشت کہ آ پیشت ءَ کنز اتگ۔ ما امریکہ ءِ گوما جوانیں یکوئی لوٹاں۔
