سردار اختر جان مینگل   ءِ سروکی    جوڑیں کمیشن  ءِ باسک آں  یونیورسٹی  آف بلوچستان  کوئٹہ   ءِ  تر ءُ تاب،  نودربر  ، رھشون  ءُ یونیورسٹی ءِ   کارندہ آں گوں گند ءُ  نند کت

کوئٹہ۔16نومبر  (اے پی پی):اسلام آباد ہائیکورٹ ءِ  حکم   ءِ رد ءَ  بلوچستان  ءِ   نودربر    آنی شکاست   آنی  چار ءُ  تپاسی ءِ   واستہ  جوڑیں   کمیشن   ءِ  کنوینر باسک راجی اسمبلی سردار  اختر جان مینگل  ءِ سروکی ءَ کمیشن ءِ باسک آں  چار شمبے ءَ   یونیورسٹی آف  بلوچستان کوئٹہ  ءِ  تر ءُ تاب  کت  ءُ نودربر ،  رھشون  ءُ یونیورسٹی  ءِ کارندہ  آں گوں گند ءُ  نند کت۔  اے موہءِ سر ءَ   راجی اسمبلی ءِ باسک  اختر جان  مینگل  ءَ گوشت کہ  بلوچستان   ءَ چہ   بیگواہ  بوھوکیں    ءُ   بلوچستان ءِ نودربر آنی شکاست   یک  ٹوھیں  جیڈھ ات  ءُ اے کمیشن  ستمبر    ءَ اسلام آباد  ہائیکورٹ ءِ حکم   آنی رد ءَ   جوڑ کنگ بوتگ  ءُ   ایشیءِ انوگ ءَ تاں  7  دیوان  برجم  بوتگ وھدیکہ  دو  روچاں چہ  ما بلوچستان ءِ تر  ءُ تاب ءَ انت  ءُ اے کمیشن  جتا جتائیں اسٹیک ہولڈرز  آں گوں یکجاہ بوھان ءَ   رپوٹ  رد ءُ بند  کنان ءَ اسلام آباد  ہائیکورٹ  ءَ پیش  کنت ءُ مارا امیت انت کہ  اے جیڈھ   ءِ گیواری  ءِ واستہ  اولی گام  سہرا  بیت۔  کمیشن ءَ سینیٹر کامران  مرتضیٰ  ایڈوکیٹ، افراسیاب خٹک ءُ ایندگر   ھم    ساڑی اتنت۔  اے موہءِ سر ءَ  کمیشن  ءَ را   نودربر  ءُ   رھشون  ءَ وتی جتا جتائیں  شکاست  ءُ    شور ءُ مشور  آنی بابت  ءَ سرپد کت۔