پاکستان  ءِ چاگردی ءُ اقتصادی دیمروئی ءَ میاں   بینک ءِ  کمک ءَ کلیتی کرد  بوتگ،  سردار ایاز صادق  ءِ  میاں  اوستمانی  بینک ءِ ٹیمب ءَ گوں  گند ءُ نند

اسلام آباد۔16نومبر  (اے پی پی): بنجاھی وزیر  برائے  اقتصادی  کار سردار ایاز صادق  ءَ گوشت کہ  پاکستان ءِ چاگردی  ءپ  اقتصادی  دیمروئی  ءَ  میاں  اوستمانی  بینک ءِ کمک   ءَ  کلیتی  کرد  بوتگ  ءُ اے  کرد  آیوکیں باندات ءَ ھم  جاڑی  بہ بیت۔  آئی ءَ اے گپ  چار شمبے ءِ روچ ءَ   ادا  میاں اوستمانی  بینک ءِ دمگی  ڈائریکٹر  برائے  زرباری  ایشیا جان  اے روم ءَ گوں گند ءُ نند  ءَ  تران  کنان ءَ کت۔  اے موہ ءِ سر ءَ  پاکستان ءَ  میاں  اوستمانی  بینک  ءِ کنٹری ڈائریکٹر  جاجی  بن حسائن    ھم  ساڑی  ات۔  بنجاھی وزیر اقتصادی  کار  ءَ  میاں  اوستمانی  بینک ءِ  نیمگ ءَ   چہ پاکستان ءِ  یک  شلیں  کمک  ءِ  توسیپ  کت ءُ گوشت کہ  1950 ءَ بگر  تاں  میاں اوستمانی بینک ءَ پاکستان ءَ را  31.1 ارب  ڈالر  ءِ  مالی  کمک  پجاری  کتگ۔