میاں اوستمانی برات  نوک سر  جوڑیشت ءُ سیلاپ ءَ چہ آماچیں مردم آنی   برجائی  ءُ آسودگی  واستہ کار آنی  تہءَ پاکستان ءِ کمک ءَ  بکن انت،  ڈونرز  کانفرنس جنوری  2023   ءَ  برجم بوھگ ءِ  امیت  انت،  بنجاھی وزیر احسن  اقبال 

شرم الشیخ ۔16نومبر  (اے پی پی): بنجاھی وزیر  منصوبگ  بندی  ءُ دیمروئی احسن  اقبال  ءَ گوشتگ کہ سیلاپ   ءَ چہ آماچیں    آبات کاری آنی  واستہ ل حکومت  منصوبگ  بندی  کنگ ءَ انت اے رد ءَ  میاں اوستمانی برات   نوک سر جوڑیشت  ءُ برجائی  کار آنی تہءَ پاکستان ءِ کمک  ءَ  بکن  انت،  ڈونرز   کانفرنس   اوائل  جنوری  2023  ءَ  برجم  بوھگ ءِ  امیت  انت۔ چار شمبے ءَ  ادار کوپ  27   دیوان ءِ موہ ءَ   پاکستان ءَ استیں  سیلاپ ءَ چہ   بوتگیں  تباہی  آنی  ھوالگ ءَ  بریفنگ  دیان ءَ   آئیءَ گوشت کہ پاکستان ءَ  سیلاپ ءِ   تباہ کاری  آں چہ پد  نوک سر جوڑیشت ءِ وستہ آیوکیں سئے  سال آنی تہءَ   16   ارب  ڈالر   پکار  بیت۔  احسن  اقبال ءَ گوشت کہ  ھور  ءُ سیلاپ  ءِ نتیجگ   ءَ  پاکستان   ءَ  30  ارب  ڈالر  ءَ چہ گیش  تباہی  بوتگ۔  آئی ءَ  گوشت کہ  33 ملین   مردم آماچ  بوتگ   انت ءُ    کوچگ ءُ ماڑی  آناں  تاوان رستگ،  انفراسٹرکچر  ءُ رسانک ءِ نظام    پرشت ءُ پروش  ءِ آماچ بوتگ،  1700  مردم  آناں جانی  تاوان  رستگ۔   پشمندگیں  دمگ آماچ بوتگ انت۔ بنجاھی وزیر ءَ گوشت کہ  نوک سر جوڑیشت    ءَ چہ پاکستنا ءَ آیوکیں  باندات  ءِ   ھور ءُ ھار  آں گوں   رکھگ  ءِ واستہ   ازمکاری  ودی  کنگ ءَ آں۔  کدرتی   ھور ءُ ھار آں گوں گر ءُ چیل  بوھگ ءِ واستہ   ضلع  ءُ  ھندی  حکومت   آں  گوں  کار  کنگ بوھگ ءَ انت۔  احسن  اقبال ءَ گوشت کہ  ڈونرز  کانفرنس  اوائل  جنوری   2023  ءَ   برجم  بوھگ ءِ   اوست انت۔