اسلام آباد۔ 16 نومبر (اے پی پی) وزیراعظم شہباز شریف لکی مروت اٹی پولیس وین آ دہشت گرد آتا جلہو نا ترندی اٹ مذمت ءِ کرینے ہراٹی 6 پولیس کارندہ شہید مسنو۔ چارشنبےنادے آ وزیراعظم آفس نا میڈیا ونگ آن جاری بیان نا رداٹ وزیراعظم شہید آتے خراج عقیدت پیش کرسا پارے کہ لمہ وطن آ جون تے ندرکروک آ مارتے قوم سلام پیش کیک۔ اوپارے کہ دہشت گرد آک پاکستان نا دشمن ءُ و مچ آ پاکستان دہشت گردی نا برخلاف سوگو ءُ دیوال اس جوڑ مریک۔ پولیس دہشت گردی نا برخلاف ہراول دستہ نا گمر نا قابل کڑد ادا کرینے۔ وزیراعظم شہید آتا خاہوت آتون ہمدردی نا درشانی ءِ کرسا دعاکرے کہ اللہ تعالیٰ شہید آتا درجہ غاتے بڑز و خاہوت آتے صبر و جمیل عطاکے۔ وزیراعظم پارے کہ خیبرپختونخوا حکومت شہید آتے اعزاز و شہداء پیکج اس ایتے۔
