سلہہ بند فوج و پولیس نرزوری اٹ دہشت گردی نا مقابلہ ءِ کرینو، وزیراعظم شہباز شریف

اسلام آباد۔ 16 نومبر (اے پی پی) وزیراعظم محمد شہباز شریف پارینے کہ دہشت گردی پدریسہ پاکستان نا اہم ویل آتیان اسٹ ءِ، ننا سلہہ بند فوج و پولیس نرزوری اٹ دا عفریت نا مقابلہ ءِ کرینو۔ چارشنبےنادے آ تینا ٹویٹ اٹی اوپارے کہ داسہ نن ردینک آتے سگنگ کپنہ، دہشت گردی پاکستان  ءِ مون تروک ویل آتیان داوخت آ ہم اسہ اہم ءُ ویل اسے، ننا سلہہ بند فوج و پولیس دا عفریت نا جوانمردی اٹ مقابلہ ءِ کرینو۔ اوپارے کہ لکی مروت اٹی پولیس نا گاڈی آ دہشت گرد آتا جلہو نا مذمت کن لوز آک گنج اس افس، کنا دعاک پدسلوک آ خاہوت آتون ءُ۔