اسلام آباد۔ 16 نومبر (اے پی پی) وزیراعظم نا خصوصی کمکار نارکوٹکس کنٹرول عطاتارڑ پارینے کہ گھڑی دُز عمران نیازی ءِ تینادُزی تا حساب ءِ تروئی تمک، پیشن نا ملک آن پاکستان حکومت ءِ ملوک آ نایاب ٹیکی تے بہا کننگ، دروغ تڑنگ و قومی خزانہ ءِ نسخان تننگ آ مسکوہی وزیراعظم ءِ کریمینل کیس اتون مون تروئی مریک، فرح گوگی ءِ وطن آ پدی اتنگ کن ریڈوارنٹ جاری مریک۔ پی آئی ڈی ٹی پریس کانفرنس آن تران کرسا عطاتارڑ پارے کہ سنگت ملک آتیان ملوک آ ٹیکی و اوفتا بہانا سرجم تدوک آ شام مون آ بس، دنیا ٹی اسٹ انگا گھڑی مننگ نا ناطہ دا نایاب ءُ گھڑی اسے و منفرد ریٹ ءِ۔ اوپارے کہ داوخت آ داگھڑی نا مالیت 2 ارب نا خڑک ءِ، فواد چوہدری تو ہر گڑانا فضائل آتے بیان کننگ کیک حتی کہ شیطان نا فضیلت نا ہم اَرفر تو جوان بیان کیک، بیرہ دا قلم اٹی 12 اعشاریہ 4 کیرٹ نا ہیرا لگوک ءِ، گھڑی ساز کمپنی گراف نا رداٹ 1 ارب آن زیات نا گھڑی تدوک آ حکومت 2 کروڑاٹ ہلک۔ عطاء تارڑ پارے کہ فواد چوہدری گھڑی ہلنگ و سودا کننگ نا جرم ءِ امنا کرے، ہنداخہ معصوم جوڑ مس کہ کیبنٹ ڈویژن نہاد ءِ خلفے و اودے معلوم ہی مننگ کتو، آخر انت گرج پیش بس کہ دا گرج ءِ توشہ خانہ ٹی جمع کرفنگ نا جاگہ غا دبئی آ سرکرے۔ اوپارے کہ منان کہ عمرفاروق دنیا نا خراب انگا بندغ ءِ پر عمران خان آن خراب مننگ کپک، عمرفاروق گھڑی ءِ ٹی وی آ نشان تننگ ءِ آخر اوڑسکان گھڑی امر سرمس؟ ۔ اوپارے کہ فرح گوگی ہراحیثیت اٹ گھڑی ءِ ہرفسا پرائیویٹ جہاز آ دبئی آ ہنا یا بنی گالہ غان موکل اس عمرفاروق اسکان گھڑی ءِ درے۔ حکومت الیکشن کمیشن نا فیصلہ ٹی سیشن کورٹ و ایف آئی اے نا انکوائری نا بناءِ کننگ والا اُن۔ عطاتارڑ پارے کہ عمران خان دبئی و لندن اٹی کیس درکار اف کورٹ آف جسٹس یا دنیا نا ہراعدالت آ ہم کائے تو دُزی اونا ہی ءِ۔ عمران خان نا برخلاف گھڑی نا باندات آ انکوائری نا بناءِ کننگا، گھڑی نا باندات آ کیس درج کننگ والا اُن۔ اسہ سوج اسے نا ورندی ٹی عطاتارڑ پارے کہ ڈیلی میل نا برخلاف ہچ ءُ کیس اس پدی التون ، ڈیلی میل آن بنداوی کیس ءِ نن کٹانن، ڈیلی میل نا ورندی آ نن 13 دسمبر آ ورندی جمع کرفنہ بروک آ سال سماعت بناکیک۔ اسہ پین سوج اسے نا ورندی ٹی اوپارے کہ فرح گوگی ءِ دسمبر نا ایسر آن مست پاکستان آ پدی اتنگ ءِ پک کینہ۔
