اسلام آباد۔ 16 نومبر (اے پی پی) چیئرمین سینیٹ محمد صادق سنجرانی لکی مروت اٹی پولیس وین آ سم کاری نا ترند انگا لوز آتیٹی مذمت ءِکرینے۔ چارشنبےنادے آ سینیٹ سیکرٹریٹ آن جاری بیان نا رداٹ چیئرمین سینیٹ پولیس وین آ سم کاری ٹی نہادی جان تا زیان آ ڈکھیائی و است ہسونی نا درشانی ءِ کرسا پارے کہ غمزدہ خاہوت آتا ڈکھیاٹی بریبر نا شریک اُن۔ ٹھپی تا زوت دراخ جوڑی کن دعا کیوہ۔ اوپارے کہ دہشت گردی ٹی اوار زموار آتے اوفتے اوفتا کروک نا سزا تننگک۔ داوڑنا لغوری کارروائیک ننا عزم ءِ بدل کننگ کپسہ۔ چیئرمین سینیٹ محمد صادق سنجرانی پارے کہ دہشت گرد آک شونداری نا عمل ءِ لتاڑنگ خوارہ ہرادے ہچ ءُ حالیت اسے ٹی سرسہب مننگ کن الیپنہ۔ ڈپٹی چیئرمین سینیٹ مرزامحمد آفریدی ہم دہشت گرد جلہو آ است ہسونی نا درشانی ءِ کرسا زوال کروک بندغ آتا خاہوت آتون یکجہتی نا درشانی ءِ کرے۔
