پشاور۔ 16 نومبر (اے پی پی) ضلع لکی مروت نا علاقہ تھانہ ڈاڈیوالہ نا دنگ و انڈہ شہاب خیل عباسیہ روڈ آ نادرست شرپسند آتا پولیس موبائل وین آ سم کاری، پولیس نا رداٹ سم کاری ٹی اے ایس آئی تون اوار 6 پولیس کارندہ شہید مسر۔ شہید پولیس کارندہ غاتیٹی اے ایس آئی علم دین، کارندہ پرویز، احمد نواز، محمود، عبیداللہ ، دلجان ئسک اوار ءُ۔ وزیراعلیٰ خیبرپختونخوا ہ نا واقعہ غا است ہسونی نا درشانی ءِ کرسا آئی جی پولیس آن رپورٹ بٹنگانے۔ خیبرپختونخوا نا وزیراعلیٰ محمود خان پارے کہ داواقعہ بھاز است ہسونی نا سوب ءِ، وزیراعلیٰ شہید آتا خاہوت آتون ہڑزخواہی و شہید آتا درجہ غاتا بڑزی کن دعا کرے، او پارے کہ شہید آتا قربانیک زیان مفسہ، واقعہ ٹی اوار دوبہ دار آتے اوفتے اوفتا کروک نا ضرور سزاتننگک۔
