کوئٹہ۔15نومبر (اے پی پی):پاک فوج ءِ نیمگ ءَ کرکٹ اسٹیڈیم گنداواہ ءَ شہر ءَ ھوار تحصیہل گنداوہ ءِ سیلاپءَ چہ آماچیں مردم آنی کمکی سامان آنی بھر ءُ بانگ کنگ بوتگ۔ میجر علی حیدر ءِ نگرانی ءَ جوانیں ءُ بے دروریں نمونگ ءَ آماچیں مردم آناں ہائی جین کٹ راشن بیگ ءُ ٹینٹ دیگ بوت۔ اھوالکارانی ڈل ءَ گوں گند ءُ نند ءِ ساھت ءَ میجر علی ءَ گوشت کہ جولائی ءَ بگر ءَ تاں ما ضلع جھل مگسی ءَ تحصیل گنداواہ، تحصیل جھل مگسی، سب تحصیل میر پور ءِ دمگ ءَ کمکی کاروائی جاڑی انت، ہزارانی سیلاپ ءَ چہ آماچیں مردم آناں پاک فوج ءِ نیمگ ءَ چہ کمک پجاری کنگ بوتگ۔ آئی ءَ گوشت کہ چار ہزار سیلاپ ءَ چہ آماچیں مردم آنی واستہ کمکی سامان بھر ءُ بانگ کنت۔ آئی ءَ گوشت کہ پاک فوج وتی راج ءِ گوما ھمک گام ءَ ھمکوپگ ءَ اوشتاتگ۔ سکیں ساھت ءَ را ج ءَ را اچبر ایوک یل نہ کناں۔
