اسلام آباد۔15نومبر (اے پی پی): راجی اسمبلی ءِ سپیکر راجہ پرویز شرف ءَ کلائمیٹ چینج ءِ بابت ءَ کوپ 27 سروک دیوناءَ پاکستان ءَ را “گلوبل شیلڈ فنڈنگ ملک آنی لڑ ءَ ھوار کنگءِ پیسلہ ءَ را ساڑات ءُ گوشت کہ پاکستان ءُ ایندگر شش ملک “گلوبل شیلڈ” در جنوکیں اولی ملک بیت۔ سئے شمبے ءَ وتی یک بیانے ءَ آئیءَ اے پیسلہ ءَ را پاکستان ءِ پارلیمانی ءُ درئی سفارتکاریءِجوانیں کامیاتی نامینت ءُگوشت کہ اے گپ لائک ءِ ستا انت انت کہ پاکستان ءِ راجی اسمبلی ءَ انوں زوتاں راونڈا بست ءُ بند کتگیں آئی پی یو جنرل اسمبلی ءِ دیوان ءَ گلوبول کلائیمیٹ فنڈ ءِ جوڑ کتگیں منوگری پیش کتگ بوتگ۔ آئی ءَ گوشت کہ آئی پی یو ءِ جنرل اسمبلی ءِ دیوان ءَ پیش کتگیں منوگری ءِ بن گپ موسمی مٹ ءُ بدلی آں گوں بنداوکیں تاوان آں گوں گر ءُ چیل بوھگ ءِ واستہ موسمی مٹ ءُ بدلی آں گوں دچار کپتگیں ملک آنی واستہ یک میاں اوستمانی فنڈ ءِ بست ءُ بند کنگ بوتگ۔ یات دارگ بہ بیت کہ سپیکر راجی اسمبلی راجہ پرویز اشرف ءِسروکی ءَ پارلیمانی ڈلءَ اگست 2022 ءَ کینیڈا ءَ بوھوکیں 65 شست ءُ پنچمی دولت مشترکہ ءِ پارلیمانی کانفرنس ءَ بھر زوری ءِ ساھت ءَ پاکستان ءِ بن گپ جوانیں رنگ ءَ سہرا کتگ ۔ سپیکر راجی اسمبلی پرویز اشرف ءَ ڈپٹی سپیکر راجی اسمبلی زاہد اکرم درانی ءِ سروکی ءَ پارلیمانی ڈل ءَ مصر ءَ یونائیٹڈ نیشن ءِ فریم ورک کنونشن آن کلائمیٹ چینج ءِ کانفرنس ءِ 27 بیست ءُ ھپتمی دیونءَ بھر زوری ءُ سمٹ ءَ پاکستانی بن گپ ءَ را جوانیں رنگ ءَ پیش کنگ ءِ واستہ کتگیں گامگیج آناں ساڑات۔ کلائمیٹ چینج یا موسم ءِمٹ ءُ بدلی ءِ ھوالگ ءَ یونائیٹڈ نیشن ءِ کانفرنس ءَ میاں اوستمانی سروک آں دگنیا ءَ را استیں موسم ءِ مٹ ءُ بدلی ءِ جٰڈھ آنی ھوالگ ءَ تران کت۔
