لاہور۔ 15 نومبر (اے پی پی) لاہور نا احتساب عدالت وزیراعظم شہباز شریف و حمزہ شہباز تون اوار ایلو خاہوت نا برخلاف منی لانڈرنگ و کٹیا غان زیات میرات کیس انا سماعت ءِ 25 نومبر اسکان پدبٹسا بروک آ سماعت آ گواہ تے بٹنگا۔ احتساب عدالت نا جج قمرالزمان کیس انا سماعت ءِ کرے۔ سے شنبےنادے آ سماعت آ وزیراعظم نا پلیڈر ایڈووکیٹ انوارحسین عدالت اٹ پیش مرسا حاضری ءِ پورو کرفے۔ عدالت وزیراعظم نا آخبتی حاضری معافی نا درخواست ءِ منظور کرینے۔ سماعت اٹی حمزہ شہباز عدالت نا روبرو پیش مرسا تینا حاضری ءِ خلفے۔ عدلات گڑاس دوبہ دار آتا ہرے آ سرمننگ آ ترندی نا درشانی ءِ کرسا پارے کہ اخہ دوبہ دار داسکان پیش متنو؟ دوبہ دارآتا وکیل پارے دوبہ دار علی احمد و شعیب قمرداسکان پیش متنو۔ عدالت پارے کہ ایلو دوبہ دارآک پیش مریرہ، داانت اکن ہرے آ سرمریرہ، انت اوفک کراچی آن بریرہ، گواہ سرمننگ آن پد ہم کارروائی مون آ ہِنپننگ ءِ ، آخیریکو موقع اس ایتیوہ، بروک آ سماعت آ بیان المی ریکارڈ کننگک۔ عدالت کیس انامستی سماعت ءِ 25 نومبر اسکان پدبٹے۔ عدالت بروک آ سماعت آ گواہ تے بیان قلمبند کرفنگ کن بٹنگا۔
