اسلام آباد۔14نومبر (اے پی پی): وزیرءِ دیماپنی خواجہ محمد آصف ءَ گوشت عمران خان ءَ فرائیڈے ٹائمز ءَر ا گلگدارے دیان ءَ گواچنی آجوئی ءُ گواچنی جمہوریت ءِ لیکہ ءَ گوں یک د گہ یوٹرن ءِ زرتگ ، وھد اتکگ کہ کانود ءِ رد ءَ اے مرد وتی دروگ ءِ قیمت ءَ ادا بکنت، نوں عمران خان لوٹ ائیت کہ ملک ءِ اندر ءَ چہ ءُ ملک ءِ ڈن ءَ ایشیءِ سر ءَ یک ءِ دست ءَ ایر بکنت تانکہ ایشی ءِ سیاسی دکانداری بہ چل ائیت۔ دو شمبے ءَ راجی اسمبلی ءَ ھیال آنی درشانی ءَ کنان ءَ وزیر ءِ دیماپنی خواجہ محمد آصف ءَ گوشت کہ ھپ ھشت ماہ پیسر وھد ءِ اے ایوان ءَ دل یکیمی نہ کنگ ءِ جنز کامایت بوھگ ءِ پدءَ یک ھواریں حکومت ءِ جوڑ کت اے نوکیں دور ءُ باریگ ءِ بندات انت۔ مئے حکومت ءَ را گوشگ بوت کہ اے امپورٹڈ حکومت ات ءُ یک سائفر ءِ ڈن ءَ کشگ ءُ گوشگ بوت کہ اے حکومت ءِ بندیک ءِ سر گوں امریکہ ءَ مل انت۔ راج ءَ گوشگ بوت ما گواچنی آجوئی ءِ جنگ ءَ مڈگ ءَ آں۔ گوستگیں روچ ءَ عمران خان ءَ فائیڈے ٹائمز ءَ را گلگدارے دیانءَ گو شتگ کہ “اے درستیں چیز ھلاس بوتگ انت ءُ من درست پشت ءَ یل کتگ ءُ دیم ءَ روگ ءَ آں” خواجہ آصف ءَ گوشت کہ عمران کان ءِ درستیں زندمان یوٹرن ءَ چہ پر انت ۔
