اسلام آباد۔14نومبر (اے پی پی): بنجاھی وزیر برائے ماحولیاتی مٹ ءُ بدلی سینیٹر شیری رحمان ءَ گوشت کہ یوٹرن خان ءَ وتی دوسرئی سیاسی تاریخ ءِ درستاں چہ مستریں یوٹرن زرتگ، اے لیکہ ءِ تاچ ءَ ملک ءِ سیت ءَ ھم پشت ءَ یل کتگ ءُ دیمءَ روگ ءَ آں، نوں سائفر ءِ جیڈھ ءَ چہ دست کش بوھگ ءِ کوشست ءَ مکن ۔ عمران خان ءَ سائفر ءِ ھوالگ ءَ بیان ءِ پسو ءَ بنجاھی وزیر ءَ گوشت کہ ڈنی پندل آنی دروگ ءُ بٹاک ءِ جنگ ءَ پاکستان ءَ را سفارتی تاوان پجارینتگ ءُ نوں گوشیت کہ سائفر ءِ جیڈھ پشت ءُ پشت کپتگ نوں بھتام نہ جناں، آئیءِ دروگیں بیان ءَ چہ ملک ءَ را ھما سفارتی تاوان رستگ ایشی ءِ زمہ واری کئے بیت؟ آءیءَ گوشت کہ آڈیو لیک ءَ چہ ساپ سہرا بوتگ ۔ اے درست دروگ ءُبٹاک بوتگ انت۔
