اسلام آباد۔ 14 نومبر (اے پی پی) بلوچستان نا 32 ضلع غاتیٹی ہندی حکومت آتا گچی کاری تا بابت اومیتدار آتا کنڈآن پندار کاغد آتا داخل کرفنگ نا ریسہ پورو مس، اوکان پد ریٹرنگ آفیسر آک اومیتدار آتا بنائی لڑتے جاری کرینو۔لڑتا رداٹ بلوچستان نا دا 32 ضلع غاتیٹی زالبول آتا 2082 مخصوص نشست آتیا 3263پندار کاغد دوئی مسنے۔ ہندا وڑ بزغر نا 902 مخصوص نشست آتیا 1820 پندار کاغد، ورکرآتا 902 نشست آتیا 1807 پندار کاغد وخت اس کہ غیر مسلم نا 902 نشست آتیا 316 پندار کاغد دوئی مسنے۔ شیڈول نا رداٹ ریٹرنگ آفیسر آک 15 آن 17 نومبر اسکان دااومیتدار آتا پندار کاغد آتا جانچ پڑتال ءِ کیرہ۔ پولنگ 14 دسمبر آمریک۔
