شوگر مچ آ دنیاو خاص وڑاٹ پاکستان کن اسہ بھلو چیلنج اسے، اسپیکر قومی اسمبلی راجہ پرویز اشرف

اسلام آباد۔ 14 نومبر (اے پی پی) اسپیکر قومی اسمبلی راجہ پرویز اشرف پارینے کہ شوگر مچ آ دنیا و خاص وڑاٹ پاکستان کن اسہ بھلو چیلنج اسے ، مچ آ قوم اواری اٹ دا مرض انا توننگ کن تینا کڑد ءِ ادا کے۔ دوشنبےنادے آ جہانی دے’’ذیابطیس‘‘ نا وخت آ جاری کلہو اٹی اوپارے کہ شوگر مچ آ دنیا و خاص وڑاٹ پاکستان کن اسہ بھلو چیلنج اسے ، پاکستانی الس نا بھلو کچ اس دا مرض اٹی اختہ ءِ۔ اوپارے کہ شوگر نا مرض سالانہ ہزار آ بندغ آتا مرک آتا سوب جوڑ مریک، متوازن غذا، ورزش و جان جوڑ زند انا وڑءِ تینا کرسا دا مرض انا مون ءِ توننگ مریک۔ اسپیکر قومی اسمبلی پارے کہ ورزش و ایلو رکھی گام گیج آتے تینا کرسا شوگر نا مریض اسہ جان جوڑ زند اس تیر کننگ کیک۔ اوشوگر نا ویل آتا بابت حکومتی کہول آ آگاہی مہم اس چلیفنگ نا گرج آ زور شاغسا پارینے کہ مرکزی و صوبائی حکومت آک اواری اٹ دا مرض اٹ اختہ بندغ آتیکن آسودہی تا فراوانی ءِ پک کیر، اسہ جان جوڑ راج اس ہی ملک انا شونداری و شونہالی نا ضامن ءِ، راج انا ہر بندغ دامرض انا توننگ کن تینا کڑد ءِ ادا کے۔