اسلام آباد۔ 14 نومبر (اے پی پی) اینٹی نارکوٹکس فورس (اے این ایف ) نا مچ آ ملک اٹی منشیات نا برخلاف سرسہب کارروائی برجاءِ۔ دوشنبےنادے آ اے این ایف ہیڈکوارٹرآن جاری بیان نا رداٹ اے این ایف اسلام آباد انٹرنیشنل بالی پٹ آ نوشہرہ نا ہنکینی دوبہ دار اسے نا پڈآن 66 آئس آن پُر کیپسول دوئی کرینے، دوبہ دار دوحہ غا ہناکہ۔ ارٹ میکو کارروائی ٹی اے این ایف برہان ٹول پلازہ غا اٹک نا ہنکینی دوبہ دار اسے آن 1 کلوآن زیات ہفیم دوئی کرے۔ مسٹ میکو کارروائی ٹی باچہ خان انٹرنیشنل بالی پٹ پشاور آ بنوں نا ہنکینی دوبہ داراسے نا پڈآن 4 ہیرون آن پُر کیپسول دوئی کرے، دوبہ دار بحرین آ ہناکہ۔ چارمیکو کارروائی ٹی کوئٹہ ٹی 2 دوبہ دارآتیان 6 کلوچرس دوئی کرے۔ پنچ میکو کارروائی ٹی نوکنڈی آن 25 کلوہیرون، 10 کلو ہفیم ، 74 کلو میتھ و 21 کلو کرسٹل آئس دوئی کرینے۔ دوبہ دار آتا برخلاف منشیات تور ایکٹ نار داٹ مقدمہ نوشتہ کرسا جاست وپاست نا بناءِ کننگانے۔
