اسلام آباد۔13نومبر (اے پی پی): بنجاھی وزیر ماحولیاتی مٹ ءُ بدلی شیری رحمان ءَ گوشت کہ پاکستان ءَ استیں سیلاپ ءَ چہ اے رنگیں تباہی پیسر ءَ نہ دیستگ، میاں اوستمانی پولیشن ءِ تہءَ گیشی ءَ چہ آیوکیں باندات ءَ ھم کدرتی سیلاپ ءُ ڈکالی کئیت، سیلاپ ءِ آپ ءَ چہ آماچیں آباتی کدرتی ھوپ آنی آماچ بوھگ ءَ انت۔ موسمی مٹ ءُ بدلی ءَ چہ آماچیں مردم آنی برجا مئے یکجائی زمہ واری انت۔ دگنیا ءَ را موسمی مٹ ءُ بدلی ءَ چہ پیداک بوھوکیں بیم آں گوں گر ءُ چیل بوھگی انت۔ یک شمبے ءِ روچ ءَ مصر ءَ انٹر پارلیمنٹری یونین ءِ دیوان ءَ گشتانک دیان ءَ بنجاھی وزیر ماحولیاتی مٹ ءُ بدلی شیری رحمان ءَ گوشت کہ دگنیا ءَ را موسمی مٹ ءُ بدلی ءِ بیم آں گوں گر ءُ چیل ءِ واستہ یکجائی گامگیج کنگ لوٹ ائیت۔
