سیلاپ  ءِ آماچیں ضلع آنی  دھکان آناں  گندم  ءِ  دان    کشگ ءِ واستہ  مفت ءَ   دیگ  بندات  کنگ بوتگ،  خدابخش لانگو

کوئٹہ۔13نومبر  (اے پی پی): سر وزیر  بلوچستان  ءِ  پولیٹیکل  سیکرٹری  ملک   خدا بخش   لانگو  ءَ  گوشت    ءَ گوشت کہ  میر عبدالقدوس  بزنجو  ءِ  سروکی  ءَ  صوبائی    وزیر  کشت ءُ کشار  میر اسد  بلوچ  ءِ نگرانی  ءَ  سیلاپ  ءَ چہ آماچیں ضلع  آنی  تہ  ءَ  دھکان آناں  دان    مفت ءَ   بھر  ءُبانگ   کنگ ءِ پروگرام   ءِ  بنگیج  کنگ بوتگ۔   صوبائی  کابینہ  ءِ منظوری  ءَ  چہ  پروگرام  ءِ  واستہ  2.2   ارب  کلدار   ءِ  بنگیج  کنگ بوتگ  وھدیجکہ  ٹینڈرنگ   ءِ کار    ءِ  وسیلگ   ءَ  فندم  ءِ   دان  ءِ  50  کلو گرام  ءِ   3 لکھ  81  ہزار  گونی    بھا زورگ  بوتگ۔  یک شمبے  ءِ روچ ءَ   سر وزیر  ءِ پولیٹکل   سیکرٹری  ملک  خدا  بخش  لانگو  ءَ گوشت کہ  پروگرام   ءَ چہ  صوبگ   ءِ  34  ضلع آ آنی  یک   لکھ  ءَ چہ  گش   دھکان  سیت  مند  بنت۔    اے گامگیج  ءِ مول ءُ مراد  سیلاپ ءَ چہ پد  گندم  ءِ   ڈکال ءِ  بیم  ءَ را  ھلاس  کنگ  بیت،  صوبگ ءَ  ربیع  ءِ یزن ءَ 1.3  ملین  ا یکڑ     ءِ سر ءَ گندم    کشگ  بیت۔